მიმდინარე წლის გაზაფხულზე უკრაინის ოფიციალური პირები აცხადებდნენ, რომ მიმდინარე წელს რუსეთის მიერ ოკუპირებული ყირიმის ტერიტორიაზე შესვლას გეგმავდნენ. ეს პროგნოზები არ გამართლდა იმის გამო, რომ დასავლელმა მოკავშირეებმა არ შეასრულეს ნაკისრი ვალდებულებები უკრაინაში სამხედრო მიწოდებისა და რუსეთის წინააღმდეგ სანქციების შესახებ, – ამის შესახებ უკრაინის პრეზიდენტის ოფისის მრჩეველმა მიხაილო პოდოლიაკმა განაცხადა.
მან აღნიშნა, რომ ყირიმის დეოკუპაციის ანონსები ეფუძნებოდა მათემატიკური ანალიზის შედეგებს – რამდენი და როგორი ტიპის შეიარაღება დასჭირდებოდა უკრაინის ჯარს, როდის მიიღებს ის ამ შეიარაღებას, რა სანქციები იმოქმედებს რუსეთის წინააღმდეგ და რა რაოდენობის თანხას დაკარგავს რუსეთი.
„ჩვენი პროგნოზი ასეთი იყო: თუ შევთანხმდით ომის წარმოების გარკვეულ ინსტრუმენტებზე, ეს ინსტრუმენტები უნდა გვქონდეს 7-10 დღეში, რაც საჭიროა ლოგისტიკისთვის, მაგრამ არა 90 ან 120 დღეში! როგორი შეიარაღება გექნება გარკვეული დროის შემდეგ, ამას ხომ რუსებიც ხვდებიან? რას გააკეთებენ ისინი? რა თქმა უნდა, სტრატეგიული თავდაცვისთვის მოემზადებიან“, – აღნიშნა პოდოლიაკმა.
ის აღნიშნავს, რომ ახლა უკრაინას უფრო მეტად სჭირდება – დრონები, რაკეტები და ელექტრონული ომის სისტემები, ვიდრე ჯავშანტექნიკა.