მთავრობა მუშაობას იწყებს სამშენებლო ამნისტიის პროექტზე, რომელიც ფიზიკურ პირთა საკუთრებაში არსებულ მიწის ნაკვეთზე დოკუმენტაციის გარეშე აშენებულ საცხოვრებელ სახლებს შეეხება

საქართველოს პრემიერ-მინისტრ ირაკლი ღარიბაშვილის ხელმძღვანელობით მთავრობის სხდომა გაიმართა.
მთავრობა მუშაობას იწყებს სამშენებლო ამნისტიის პროექტზე, რომელიც ფიზიკურ პირთა საკუთრებაში არსებულ მიწის ნაკვეთზე დოკუმენტაციის გარეშე აშენებულ საცხოვრებელ სახლებს შეეხება

მინისტრთა კაბინეტის წევრებმა დღის წესრიგით გათვალისწინებული ცხრა საკითხი განიხილეს.

მთავრობის პრესსამსახურის ინფორმაციით, სხდომაზე მთავრობის მეთაურმა იუსტიციის მინისტრს სამშენებლო ამნისტიის პროექტზე მუშაობა დაავალა, რომელიც ფიზიკურ პირთა საკუთრებაში არსებულ მიწის ნაკვეთზე სამშენებლო დოკუმენტაციის გარეშე აშენებულ ინდივიდუალურ საცხოვრებელ სახლებს შეეხება.

„ცვლილებაზე მსჯელობისას ხაზი გაესვა, რომ ამ გადაწყვეტილებით, ერთი მხრივ, მომავალში აღმოიფხვრება უკანონო სახლების მშენებლობის პრაქტიკა, მეორე მხრივ, მოქალაქეები, რომელთაც აქვთ ინდივიდუალური სახლები სოფლად ან ქალაქად, რომლებზედაც არ გაცემულა სამშენებლო დოკუმენტაცია, აღარ იქნებიან ვალდებულნი, გაიარონ ლეგალიზაციის რთული და ხარჯიანი პროცედურა. ამნისტია მილიონამდე მოქალაქეს შეეხება. პროექტს რატი ბრეგაძე უმოკლეს ვადაში მთავრობის სხდომაზე წარადგენს“, – ნათქვამია საქართველოს მთავრობის ინფორმაციაში