აშშ-ის დაზვერვა არ იყო ინფორმირებული „ჰამასის“ მიერ ისრაელზე თავდასხმის გეგმაზე, – ამის შესახებ თეთრი სახლის ეროვნული უსაფრთხოების საბჭოს სტრატეგიული კომუნიკაციების კოორდინატორმა ჯონ კირბიმ განაცხადა.
აღნიშნული განცხადება მოჰყვა new York times-ის მიერ მომზადებულ სტატიას, სადაც საუბარია, რომ ისრაელმა „ჰამასის“ მიერ 7 ოქტომბრის თავდასხმის შესახებ გაფრთხილება ერთი წლით ადრე მიიღო, თუმცა ის სათანადოდ არ შეაფასა.
„დაზვერვამ აღნიშნა, რომ მათ არ ჰქონდათ წვდომა ამ დოკუმენტებზე“, – აცხადებს კირბი.
კითხვაზე, წარმოადგენდა თუ არა 7 ოქტომბრის თავდასხმა ისრაელის დაზვერვის წარუმატებლობას, კირბიმ პასუხისგან თავი შეიკავა და განაცხადა, რომ ისრაელს ექნება დრო, რომ გამოიძიოს, რა გაკეთდა არასწორად.