ირანი აცხადებს, რომ ქვეყნის სამხრეთ-აღმოსავლეთში მდებარე სისტანი-ბალუჩესტანის პროვინციაში ისრაელის სადაზვერვო სამსახურის, მოსადის აგენტი სიკვდილით დასაჯეს.
ოფიციალური ახალი ამბების სააგენტო IRNA-ს ცნობით, პირს ჯაშუშობის ბრალდებით ბრალი წაუყენეს.
მოხსენებაში ნათქვამია, რომ ეჭვმიტანილმა ინფორმაცია მიაწოდა უცხოეთის სამსახურებს, მათ შორის მოსადს.
„ეს ადამიანი დაუკავშირდა უცხოურ სამსახურს, კონკრეტულად, მოსადს, აგროვებდა საიდუმლო ინფორმაციას და თანამზრახველების მონაწილეობით, დოკუმენტებს უცხოურ სამსახურებს, მათ შორის, მოსადს აწვდიდა“, – იუწყება სააგენტო.
მედიას აღნიშნული პიროვნების ვინაობა არ გაუსაჯაროებია.
უცნობი პირი ზაჰედანის ციხეში 16 დეკემბრის დილით სიკვდილით დასაჯეს.