აშშ-ში, თეთრი სახლის წინ საპროტესტო აქცია გაიმართა.
როგორც „ბიბისი“ იტყობინება, აქციის მონაწილეთა ჯგუფს ბანერები ეჭირათ წარწერით – „ხელები შორს იემენისგან“.
მედიასაშუალების ცნობით, აქციის მონაწილეები აშშ-ის ხელისუფლებას მიმართავდნენ და იემენს სკანდირებდნენ.
აქცია ორგანიზებული იყო ომის საწინააღმდეგო ჯგუფების Code Pink და ANSWER კოალიციის მიერ.
შეგახსენებთ, აშშ-ს პრეზიდენტმა, ჯო ბაიდენმა და გაერთიანებული სამეფოს პრემიერ-მინისტრმა, რიში სუნაკმა დაადასტურეს, რომ იემენში ჰუსიტების ობიექტების წინააღმდეგ ავიაიერიშები განხორციელდა.
დარტყმები დაფიქსირდა დედაქალაქ სანში, ჰუსიტების წითელი ზღვის პორტში ჰუდაიდაში, დამარში და საადაში.