თბილისში, სამტრედიის ქუჩაზე, საცხოვრებელ კორპუსში აფეთქება მოხდა.
აფეთქების შედეგად დაზიანდა შენობის რამდენიმე სართული. აფეთქების შედეგად არავინ დაშავებულა.
შემთხვევა გამთენიისას მოხდა.
შემთხვევის ადგილზე მობილიზებული იყო საპატრულო, სასწრაფო და საგანგებო სიტუაციების სამსახურები.
საგანგებო სიტუაციების მართვის სამსახურის ცნობით, საცხოვრებელი კორპუსიდან გამოყვანილია ყველა მოქალაქე.
აფეთქების გამომწვევი ზუსტი მიზეზი ამ ეტაპზე უცნობია.