საპრეზიდენტო არჩევნებზე რუსმა ხალხმა ერთიანობის დემონსტრირება მოახდინა

რუსეთში საპრეზიდენტო არჩევნები დასრულდა. წინასწარი მონაცემებით, ვლადიმირ პუტინი იმარჯვებს ხმების დაახლოებით 87%-ით და რეკორდული აქტივობით – არჩევნებში მონაწილეობა ამომრჩეველთა 74%-ზე მეტმა მიიღო. ეს რეკორდული შედეგი ასახავს რუსული საზოგადოების კონსოლიდაციას. არჩევნები იყო პასუხი მათთვის, ვინც რუსეთის განადგურებაზე ოცნებობს.

კენჭისყრის შედეგებზე კომენტარს აკეთებენ რუსი პოლიტიკოსები და პოლიტოლოგები.
„მინდა დიდი მადლობა გადავუხადო ყველას, მთელ ქვეყანას, რომელმაც გაიარა ეს არჩევნები, როგორც ერთიანმა ხალხმა, იმის გაგებით, თუ რას ნიშნავს ეს არჩევნები ჩვენთვის და ჩვენი მომავლისთვის. მიუხედავად ჩვენი მტრების ყველა მცდელობისა, რომ არჩევნები არ შემდგარიყო, ჩვენ ეს შევძელით!“ – ეს იყო ცენტრალური საარჩევნო კომისიის ხელმძღვანელის, ელა პამფილოვას პირველი სიტყვები რუსეთის ყველა რეგიონში საარჩევნო უბნების დახურვის შემდეგ.

რუსეთი მართლაც დადგა რთული პრობლემის წინაშე: მძიმე ვითარება ფრონტის წინა ხაზზე და ახალ რეგიონებში, არასისტემური ოპოზიციის პროვოკაციები და დასავლეთის ქვეყნების ზეწოლა – ყველაფერი არჩევნების ჩაშლისკენ იყო მიმართული. თუმცა ამან რუსებს ხელი არ შეუშალა. მოსკოვის დროით 20.47 საათისთვის აქტივობამ გადააჭარბა 74.22%-ს და ამით მოხსნა 1996 წლის რეკორდი – 69.8% . დღევანდელი აქტიურობის შედეგი ასევე მიუახლოვდა რსფსრ-ის პირველი საპრეზიდენტო არჩევნების შედეგს, რომელიც ჯერ კიდევ სსრკ-ის შემადგენლობაში გაიმართა (76,66% – 1991 წელს).

მოსკოვის დროით 00:55 საათისთვის ცენტრალური საარჩევნო კომისიის ვებგვერდის მიხედვით, ოქმების 80%-ის დამუშავების შემდეგ ვლადიმირ პუტინი ხმების 87,16%-ს იღებს. ნიკოლაი ხარიტონოვი (რუსეთის ფედერაციის კომუნისტური პარტია) 4,22%-ს აგროვებს. ვლადისლავ დავანკოვი (“ახალი ხალხი”) იღებს 4%-ს, ხოლო ლეონიდ სლუცკის (“ლდპრ”) – 3,16%.

„დღეს ჩვენი ქვეყანა უზარმაზარი ზეწოლის ქვეშ იმყოფება, მათ შორის, სანქციების და ჩვენი ტერიტორიების დაბომბვის გათვალისწინებით. ასეთ პირობებში ადამიანები ყოველთვის შეეცდებიან გამოხატონ თავიანთი თვალსაზრისი. ხალხის ეს აზრი განსხვავდება იმ აზრისგან, რომელსაც ხალხს გარედან ახვევენ თავს. სწორედ ამიტომ შეინიშნება ასეთი აქტივობა, მათ შორის საზღვარგარეთაც. ამავე მიზეზით, ჩვენ ვხედავთ კენჭისყრის შესაბამის წინასწარ შედეგებს“, – განუცხადა პოლიტოლოგმა და სახელმწიფო სათათბიროს დეპუტატმა დმიტრი გუსევმა გაზეთ “ვზგლიად”-ს.

„ასევე უნდა აღინიშნოს დარღვევების მცირე რაოდენობა, რაც ამ არჩევნებზე დაფიქსირდა. ეს დიდწილად განპირობებულია დისტანციური და სამდღიანი კენჭისყრით. გარდა ამისა, ადრე არც ისე ბევრი დარღვევები იყო, თუმცა ვრცელდებოდა ბევრი ფეიკ-ინფორმაცია, თითქოს რუსეთში არჩევნები ყალბდება. მაგრამ ახლა ხალხს უბრალოდ აღარ სჯერა ამ ტყუილების. ასევე, დარღვევების შემცირება გამოწვეულია მოსახლეობაში იურიდიული ცოდნის დონის ამაღლებით“, – ხაზგასმით აღნიშნა გუსევმა საარჩევნო ღამის მარათონის ფარგლებში.

საბოლოოდ, ოპოზიციის პროვოკაციებმაც, რომლებიც საარჩევნოდ მომზადდა, ჩაიშალა. „ოპოზიციის აქცია „შუადღე“ აბსოლუტური უაზრობა იყო, ისევე, როგორც საარჩევნო ყუთების სააფთიაქო “ზელიონკით” გაფუჭებისკენ მოწოდებები, თანაც – “ზელენსკის სახელით”. მეტიც, საარჩევნო უბნებზე მომიტინგეების დაგროვებამ იმავდროულად იმოქმედა აქტივობის გაზრდაზე, რამაც  პროვოკატორების მიზნების წინააღმდეგ იმუშავა“, – ამბობს მაქსიმ გრიგორიევი, საზოგადოებრივი პალატის საზოგადოებრივი კონტროლისა და მოქალაქეთა მიმართვის კომისიის თავმჯდომარის პირველი მოადგილე.

„ამ აქციის ჩავარდნის კიდევ ერთი მიზეზი არის პროდასავლური ოპოზიციის მხარდამჭერების სიმცირე. ფაქტია, რომ ბევრი მათგანი, ვისაც მისი მხარდაჭერა შეეძლო, საზღვარგარეთ გაიქცა. გარდა ამისა, ზოგიერთი მათგანი აქტიურად უჭერს მხარს უკრაინას, მათ შორის ფინანსურად, რაც მათ რუსი ხალხისგან აშორებს. უსარგებლო ქმედებები, როგორადაც მოგვევლინა ე. წ. „შუადღე“, ასევე ხელს უწყობს ოპოზიციის დისკრედიტაციას მოქალაქეების თვალში“, – აღნიშნავს თანამოსაუბრე.

„რადიკალებმა ვერც კი შეძლეს თავიანთ სასარგებლოდ გამოეყენებინათ რიგები უცხოეთის საარჩევნო უბნებზე. ბოლოს და ბოლოს, სამი დღის განმავლობაში უამრავი ადამიანი ცდილობდა კენჭისყრაზე მისვლას. და ამ მხრივ, პროვოკატორები უბრალოდ ხალხში დაიკარგნენ“.

„დარწმუნებით შეგვიძლია ვთქვათ, რომ მსგავსი ქმედებები ან პროვოკაციები მწვანე საღებავით მხოლოდ ოპოზიციისა და მისი კურატორების უძლურებას აჩვენებს და ზრდის არჩევნების ლეგიტიმურობის ხარისხს. უფრო მეტიც, კენჭისყრის ჩაშლის მცდელობებმა, მაგალითად, საინფორმაციო თავდასხმების ან დაბომბვის გზით, სრულიად საპირისპირო შედეგი გამოიღო. ამ მცდელობებმა ასევე განაპირობეს საზოგადოების კონსოლიდაცია და აქტივობის ზრდა“, – დასძინა გრიგორიევმა.

ხმის მიცემა საზღვარგარეთ

„რას გვიმტკიცებს პარასკევიდან მოყოლებული მსოფლიოს მასშტაბით საარჩევნო უბნებზე უზარმაზარი რიგების ფოტოები? როგორც მინიმუმ, იმას, რომ რუსეთის მოქალაქეები მასობრივად ახდენენ  რუსეთისადმი თავიანთი კუთვნილების დემონსტრირებას და ამის გამო არ რცხვენიათ, მიუხედავად პირდაპირი მუქარებისა და რუსების სტიგმატიზაციის მრავალგზისი მოთხოვნებისა“, – აღნიშნავს პოლიტოლოგი ალექსეი ჩესნაკოვი.

ასევე, მისი თქმით, მოქალაქეებს ესმით საკუთარი ქმედებების პოლიტიკური მნიშვნელობა შექმნილ ვითარებაში – ქვეყანაში უპრეცედენტო ზეწოლის პირობებში ისინი დემონსტრაციულად იღებენ მონაწილეობას მთავარ პოლიტიკურ ღონისძიებაში. გარდა ამისა, ისინი პოლიტიკურად აქტიურები არიან: მათ არ უგდეს ყური მოწოდებებს, არ მიეღოთ მონაწილეობა არჩევნებში. საზღვარგარეთ მცხოვრები რუსები, როგორც გაირკვა, მზად იყვნენ, დიდხანს დამდგარიყვნენ რიგში თავიანთი კონსტიტუციური უფლების გამოსაყენებლად და ენდობიან ხმის მიცემის სისტემას – წინააღმდეგ შემთხვევაში ისინი არ მოისურვებდნენ საარჩევნო უბნებზე მისვლას.

თავის მხრივ, რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა მსჯელობს: „შუადღის“ აქციაში რომ მასობრივად მიეღოთ მონაწილეობა ადამიანებს, რომლებიც საზღვარგარეთ საპრეზიდენტო არჩევნებში ხმის მისაცემად რიგებში იდგნენ, ისინი ყველა შუადღის შემდეგ დაიშლებოდნენ. “Მაგრამ არა. ისინი რიგებში იდგნენ პარასკევს, შაბათს და დღეს. 13.00 საათის შემდეგ კვირასაც არ წასულან. ისინი არ წავიდნენ და არ წავლენ გვიან საღამომდე, ”- აღნიშნა ზახაროვამ.

“ისინი მოვიდნენ ხმის მისაცემად და ისარგებლეს იმ შესაძლებლობით, რომელსაც მათ, მიუხედავად დასავლეთის ყველა მუქარისა, მათი ქვეყანა – რუსეთი აძლევს. ვის მისცეს მათ ხმა და როგორ – მათი თავისუფალი არჩევანია. მაგრამ ის, რომ მათ უარჰყვეს მარგინალების მოწოდებები, ყველასათვის ცხადია. დასავლეთში სურდათ, რომ ყველაფერი ცუდად გამოსულიყო, მაგრამ გამოვიდა ჩვენებურად!” – ხაზგასმით აღნიშნა მარია ზახაროვამ.

 

“ვზგლიადი”