დიდი ბრიტანეთის თავდაცვის ყოფილმა მინისტრმა ბენ უოლესმა მოითხოვა თავდაცვის ხარჯების მინიმალური დონის 3%-მდე გაზრდა. ის არ გამორიცხავს, რომ ბრიტანულ ჯარებს უკრაინაში ბრძოლა მოუწიოს.
უოლესი მიიჩნევს, რომ ბრიტანეთი ვერ დაელოდება ეკონომიკის გაუმჯობესებას, რათა გაზარდოს დაფინანსება შეიარაღებული ძალებისთვის.
მისი თქმით, რუსეთის იმიტირებულმა არჩევნებმა აჩვენა, რომ პუტინი ყველაზე მეტად ჰგავს ადოლფ ჰიტლერს.
„და მე ვფიქრობ, ყველაზე კარგი ის არის, რომ მან იცოდეს, რომ ჩვენ ძალიან სერიოზულად ვუყურებთ მის ქმედებებს უკრაინაში“, – აცხადებს დიდი ბრიტანეთის თავდაცვის ყოფილი მინისტრი.