„პიარ სვლაა, რომ 1000 ლარი ექნება 840 000 პენსიონერს და ეკონომიკა გაორმაგდება, წარმოიდგინეთ სიცრუის დონე და დოზა, რომელსაც ისინი საზოგადოებაში ავრცელებენ“, – ამის შესახებ პარლამენტის თავმჯდომარის პირველმა მოადგილემ გია ვოლსკიმ პარტია „ლელოს“ წინასაარჩევნო დაპირებებთან დაკავშირებით განაცხადა.
მისი შეფასებით, პარტიის დაპირება, რომ ხელისუფლებაში მოსვლის შემთხვევაში რუსეთს სანქციებს დაუწესებენ, „ეკონომიკური ნგრევის დასაწყისია“.
„ლელოს“ ლიდერები ამბობენ – მოვალთ თუ არა ხელისუფლებაში, მეორე დღეს სანქციებს დავაწესებთ რუსეთის ფედერაციის მიმართ. არ გეგონოთ, რომ ეს ეკონომიკური ფორმატით შემოიფარგლება. ეს არის ეკონომიკური ნგრევის დასაწყისი, რომელიც აბსოლუტურად დარწმუნებული იყავით, რომ მოიტანს ფიზიკურ დაპირისპირებას. განაცხადა „იმედი LIVE”-ში პარლამენტის პირველმა ვიცე-სპიკერმა გია ვოლსკიმ, რომელიც „ლელოს“ წევრის ანა ნაცვლიშვილის განცხადებას გამოეხმაურა იმის შესახებ, რომ რეპუტაციის დაცვას სჭირდება კონკრეტული ნაბიჯები და არა პოლიტიკური განცხადებები. გია ვოლსკის განცხადებით, შემდეგი პიარ სვლაა, რომ საქართველოში 840 000 პენსიონერს 1000 ლარი ექნება და ეკონომიკა გაორმაგდება.
წარმოიდგინეთ, ტყუილის რა დონეზე შეიძლება კოლექტიურმა „ნაცმოძრაობამ“ ჩამოაყალიბოს პოზიცია, გინდ როზნერი იყოს აქ დამნაშავე და გინდ ნებისმიერი სხვა. წარმოიდგინეთ დონე და დოზა სიცრუისა, რომელსაც ისინი საზოგადოებაში ავრცელებენ. რეზოლუცია, შარლ მიშელის შეთანხმების წინაპერიოდი და შემდგომი პერიოდი, ამ რეზოლუციაზე ხელის არმოწერა – ყველაფერი მიანიშნებს იმაზე რომ რევოლუციის პროცესი, რევოლუციის პროგრამა, რევოლუციური სტრატეგია აქტუალურია და უნდა ველოდოთ შემდეგ ნაბიჯებს“ – განაცხადა გია ვოლსკიმ.
მისივე თქმით, ქვეყნის რეპუტაცია ანა ნაცვლიშვილისგან და იმ ადამიანებისგან არის დასაცავი რომლებსაც თავის გეგმა აქვთ.
„არავინ თქვას, რომ ეს არის შეუცნობელი მოქმედებები, რომელიც პროპაგანდის მსხვერპლთა მხრიდან მომდინარეობს. იგივე ევროპარლამენტი ავიღოთ, თუნდაც უკრაინა ავიღოთ. რასაკვირველია, რეზოლუციას ხელს არ მოაწერდნენ ადამიანები, ვისი მთავარი ლოზუნგი არის საქართველოს დადანაშაულება რუსეთთან ურთიერთობაში. რამდენჯერ მითქვამს და გავიმეორებ – უკრაინის გავლით რაც მიედინება ევროპისკენ რუსული გაზი, მთლიანად მოცულობაში სამჯერ აჭარბებს მთლიან წლიურ საქონელბრუნვას, რომელიც გაგვაჩნია რუსეთის ფედერაციასთან“, – ამბობს გია ვოლსკი.