მოსამართლის კეთილსინდისიერების შეფასების ნაცვლად, უნდა გადაიხედოს მათი კეთილსინდისიერება, ვინც მიიჩნევს, რომ ქართული სასამართლოს სამართლიანობა კითხვის ნიშნის ქვეშ დგას, – ამის შესახებ პარტია „ხალხის ძალის“ წევრმა, დიმიტრი ხუნდაძემ განაცხადა.
ხუნდაძის თქმით, ნიკა გვარამიას საქმეზე სტრასბურგის სასამართლოს გადაწყვეტილებით დადასტურდა, რომ ქართული სასამართლო არის კეთილსინდისიერი.
„გვარამიასა და სტრასბურგის სასამართლოს ბოლოდროინდელი ურთიერთობა შეიძლება შეფასდეს ასე: „სამართალმა პური ჭამა“. სტრასბურგმა გვარამია დატოვა კრიმინალად და სამართლიან მოსამართლედ აღიარა მოსამართლე, რომელმაც გადაწყვეტილება მიიღო და თითქოს მისი გადაწყვეტილების რევიზია უნდა მომხდარიყო საელჩოში. სტრასბურგის სასამართლომ კიდევ ერთხელ დაადასტურა, რომ ქართული სასამართლო არის კეთილსინდისიერი. ვფიქრობ, მოსამართლის კეთილსინდისიერების შეფასების ნაცვლად, უნდა გადაიხედოს მათი კეთილსინდისიერება, ვინც მიიჩნევს, რომ ქართული სასამართლოს სამართლიანობა კითხვის ნიშნის ქვეშ დგას. უკვე მერამდენედ, ქართული სასამართლოს გადაწყვეტილებები საერთაშორისო, მათ შორის ევროპული სასამართლოს მხრიდან პოზიტიურად არის შეფასებული და არავითარ გადახედვას ამ საკითხში არ აპირებს“, – განაცხადა დიმიტრი ხუნდაძემ.
ამასთან, ხუნდაძეს კითხვა დაუსვეს, რომლის მიხედვითაც, ნიკა გვარამიას თავისი წარსულიდან გამომდინარე, რამდენად აქვს უფლება პოლიტიკაში ყოფნის, რაზეც ხუნდაძემ განაცხადა:
„ეს წარსული რჩება მის წარსულად და ისტორიად. რა თქმა უნდა, მისი პოლიტიკაში მონაწილეობა ამ ისტორიისგან განცალკევებული ვერ იქნება. საბოლოო გადაწყვეტილებას მიიღებს ხალხი. ფაქტია, ის არის დისკრედიტებული, კრიმინალი, საზოგადოებისთვის უნდა იყოს მიუღებელი და ასეც იქნება. ამაში დარწმუნებული ვარ არა მარტო მე, არამედ მათი ლიდერი სააკაშვილიც. თავადვე შეხედეს, რომ არ გაამართლა წინასაარჩევნო სქემამ და ახლა სააკაშვილი ყველას სთავაზობს, მათ შორის ნიკა გვარამიას, ხაზარაძეს და დანარჩენებსაც, ისევ „ნაცმოძრაობის“ ერთიან ქუდში გაერთიანდნენ. წინააღმდეგ შემთხვევაში, ისინი „ნაცმოძრაობას“ წაართმევენ ხმებს, მაგრამ იმდენს ვერა, რომ ბარიერი გადალახონ.
სამწუხაროა, რომ ოპოზიციური ველი, ძირითადად „ნაცმოძრაობა“ და ოპოზიციის დესტრუქციული ნაწილი შედგება კრიმინალებისაგან, დამნაშავეებისგან, მძიმე წარსულის მქონე ადამიანებისგან. მათ საზოგადოება კარგად იცნობს, ასევე კარგად იცნობს სამართალიც, არა მხოლოდ ადგილობრივი, არამედ საერთაშორისოც. ამიტომ ისინი სამართლებრივი განაჩენის გარდა, ახლა უკვე საზოგადოების მხრიდან პოლიტიკურ საარჩევნო განაჩენს მიიღებენ“, – განაცხადა დიმიტრი ხუნდაძემ.
სტრასბურგის სასამართლომ ნიკა გვარამიას სარჩელი განსახილველად არ მიიღო.
თბილისის საქალაქო სასამართლომ 2022 წლის 16 მაისს ნიკა გვარამიას სამი წლითა და ექვსი თვით პატიმრობა მიუსაჯა ტელეკომპანია „რუსთავი 2“-ის ხელმძღვანელობის პერიოდში უფლებამოსილების ბოროტად გამოყენების საქმეზე. 2022 წლის 2 ნოემბერს სააპელაციო სასამართლომ ნიკა გვარამიას პატიმრობის ვადის ნაწილში გადაწყვეტილება არ შეცვალა. განაჩენი ადვოკატებმა უზენაეს სასამართლოში გაასაჩივრეს. უზენაესმა სასამართლომ კი გვარამიას საქმე განსახილველად არ მიიღო. ნიკა გვარამია სტრასბურგის სასამართლოში სწორედ ამ საქმეს ასაჩივრებდა.
საქართველოს პრეზიდენტმა, სალომე ზურაბიშვილმა ნიკა გვარამია 2023 წლის 22 ივნისს შეიწყალა.
ამასთან, ნიკა გვარამიამ სოციალურ ქსელში დაწერა, რომ მიიღო გადაწყვეტილება, თავისი საქმით „გაერო-ს ადამიანის უფლებათა კომიტეტში წავიდეს“.
„ჩემს (გაოგნებულ) ამერიკელ და ბრიტანელ იურისტებთან კონსულტაციის შემდეგ, მივიღე გადაწყვეტილება და ჩემი საქმით მივდივარ გაერო-ს ადამიანის უფლებათა კომიტეტში, რომლის მანდატი მთელ მსოფლიოზე ვრცელდება და რომელსაც ნაკლებად აინტერესებს ევროპული სასამართლოს გადაწყვეტილებები“, – აღნიშნა გვარამიამ.
მოსამართლის კეთილსინდისიერების შეფასების ნაცვლად, უნდა გადაიხედოს მათი კეთილსინდისიერება, ვინც მიიჩნევს, რომ ქართული სასამართლოს სამართლიანობა კითხვის ნიშნის ქვეშ დგას, – ამის შესახებ პარტია „ხალხის ძალის“ წევრმა, დიმიტრი ხუნდაძემ განაცხადა.
ხუნდაძის თქმით, ნიკა გვარამიას საქმეზე სტრასბურგის სასამართლოს გადაწყვეტილებით დადასტურდა, რომ ქართული სასამართლო არის კეთილსინდისიერი.
„გვარამიასა და სტრასბურგის სასამართლოს ბოლოდროინდელი ურთიერთობა შეიძლება შეფასდეს ასე: „სამართალმა პური ჭამა“. სტრასბურგმა გვარამია დატოვა კრიმინალად და სამართლიან მოსამართლედ აღიარა მოსამართლე, რომელმაც გადაწყვეტილება მიიღო და თითქოს მისი გადაწყვეტილების რევიზია უნდა მომხდარიყო საელჩოში. სტრასბურგის სასამართლომ კიდევ ერთხელ დაადასტურა, რომ ქართული სასამართლო არის კეთილსინდისიერი. ვფიქრობ, მოსამართლის კეთილსინდისიერების შეფასების ნაცვლად, უნდა გადაიხედოს მათი კეთილსინდისიერება, ვინც მიიჩნევს, რომ ქართული სასამართლოს სამართლიანობა კითხვის ნიშნის ქვეშ დგას. უკვე მერამდენედ, ქართული სასამართლოს გადაწყვეტილებები საერთაშორისო, მათ შორის ევროპული სასამართლოს მხრიდან პოზიტიურად არის შეფასებული და არავითარ გადახედვას ამ საკითხში არ აპირებს“, – განაცხადა დიმიტრი ხუნდაძემ.
ამასთან, ხუნდაძეს კითხვა დაუსვეს, რომლის მიხედვითაც, ნიკა გვარამიას თავისი წარსულიდან გამომდინარე, რამდენად აქვს უფლება პოლიტიკაში ყოფნის, რაზეც ხუნდაძემ განაცხადა:
„ეს წარსული რჩება მის წარსულად და ისტორიად. რა თქმა უნდა, მისი პოლიტიკაში მონაწილეობა ამ ისტორიისგან განცალკევებული ვერ იქნება. საბოლოო გადაწყვეტილებას მიიღებს ხალხი. ფაქტია, ის არის დისკრედიტებული, კრიმინალი, საზოგადოებისთვის უნდა იყოს მიუღებელი და ასეც იქნება. ამაში დარწმუნებული ვარ არა მარტო მე, არამედ მათი ლიდერი სააკაშვილიც. თავადვე შეხედეს, რომ არ გაამართლა წინასაარჩევნო სქემამ და ახლა სააკაშვილი ყველას სთავაზობს, მათ შორის ნიკა გვარამიას, ხაზარაძეს და დანარჩენებსაც, ისევ „ნაცმოძრაობის“ ერთიან ქუდში გაერთიანდნენ. წინააღმდეგ შემთხვევაში, ისინი „ნაცმოძრაობას“ წაართმევენ ხმებს, მაგრამ იმდენს ვერა, რომ ბარიერი გადალახონ.
სამწუხაროა, რომ ოპოზიციური ველი, ძირითადად „ნაცმოძრაობა“ და ოპოზიციის დესტრუქციული ნაწილი შედგება კრიმინალებისაგან, დამნაშავეებისგან, მძიმე წარსულის მქონე ადამიანებისგან. მათ საზოგადოება კარგად იცნობს, ასევე კარგად იცნობს სამართალიც, არა მხოლოდ ადგილობრივი, არამედ საერთაშორისოც. ამიტომ ისინი სამართლებრივი განაჩენის გარდა, ახლა უკვე საზოგადოების მხრიდან პოლიტიკურ საარჩევნო განაჩენს მიიღებენ“, – განაცხადა დიმიტრი ხუნდაძემ.
სტრასბურგის სასამართლომ ნიკა გვარამიას სარჩელი განსახილველად არ მიიღო.
თბილისის საქალაქო სასამართლომ 2022 წლის 16 მაისს ნიკა გვარამიას სამი წლითა და ექვსი თვით პატიმრობა მიუსაჯა ტელეკომპანია „რუსთავი 2“-ის ხელმძღვანელობის პერიოდში უფლებამოსილების ბოროტად გამოყენების საქმეზე. 2022 წლის 2 ნოემბერს სააპელაციო სასამართლომ ნიკა გვარამიას პატიმრობის ვადის ნაწილში გადაწყვეტილება არ შეცვალა. განაჩენი ადვოკატებმა უზენაეს სასამართლოში გაასაჩივრეს. უზენაესმა სასამართლომ კი გვარამიას საქმე განსახილველად არ მიიღო. ნიკა გვარამია სტრასბურგის სასამართლოში სწორედ ამ საქმეს ასაჩივრებდა.
საქართველოს პრეზიდენტმა, სალომე ზურაბიშვილმა ნიკა გვარამია 2023 წლის 22 ივნისს შეიწყალა.
ამასთან, ნიკა გვარამიამ სოციალურ ქსელში დაწერა, რომ მიიღო გადაწყვეტილება, თავისი საქმით „გაერო-ს ადამიანის უფლებათა კომიტეტში წავიდეს“.
„ჩემს (გაოგნებულ) ამერიკელ და ბრიტანელ იურისტებთან კონსულტაციის შემდეგ, მივიღე გადაწყვეტილება და ჩემი საქმით მივდივარ გაერო-ს ადამიანის უფლებათა კომიტეტში, რომლის მანდატი მთელ მსოფლიოზე ვრცელდება და რომელსაც ნაკლებად აინტერესებს ევროპული სასამართლოს გადაწყვეტილებები“, – აღნიშნა გვარამიამ.