დღეს ფაქტობრივად შედგა რეფერენდუმი, ქართველმა ხალხმა თავისი გამოსვლით, თავისი ხმის გაგონებით დაუჭირა მხარი ოჯახური ღირებულებების დაცვის კანონპროექტ, ახლა ეს უკვე პარლამენტის ვალდებულებაა, ხალხის რეფერენდუმი გადააქციოს კანონად, – ამის შესახებ საქართველოს პარლამენტის თავმჯდორმარემ, შალვა პაპუაშვილმა განაცხადა.
მისი თქმით, ოჯახური ღირებულებებისა და არასრულწლოვანთა დაცვის შესახებ კანონპროექტის განხილვა დაიწყება და ოპოზიციას მოუწევს თვალში ჩახედოს რეფერენდუმში მონაწილე ხალხს, მიიღოს გადაწყვეტილება, დგას თუ არა ქართველი ხალხის მხარეს.
„მინდა, მთლიანად საქართველოს მივულოცო ოჯახის სიწმინდის დღე. ეს მნიშვნელოვანი დღესასწაულია, რომელიც საქართველოს ეკლესიის ინიციატივით 10 წლის წინ დაწესდა. დღევანდელ სამყაროში ბევრი რამ დგას გამოწვევის წინაშე, მათ შორის ოჯახის ის ტრადიციული გაგება, რაც ათასწლეულებია მოგვდგამს, როგორც საქართველოს, ისე ზოგადად, სამყაროს. დღეს ცდილობენ, ბევრი რამე კითხვის ნიშნის ქვეშ დააყენონ. ბევრი რამე ამოატრიალონ ღირებულებითი თვალსაზრისით. ამიტომ მნიშვნელოვანია, ეს ინიციატივა, რომ საქართველოს ყველა მოქალაქემ ამ დღეს განსაკუთრებით გამოხატოს თავისი დამოკიდებულება ოჯახური ღირებულებების მიმართ. კერძოდ, დამოკიდებულება უფროსების პატივისცემის მიმართ, სტუმარ-მასპინძლობის მიმართ. დამოკიდებულება, რომ ოჯახში, როგორც დღეს მეუფე შიომ აღნიშნა, სამი ეპოსტაზი, რომ ოჯახში არის მამა, დედა, ბავშვი, სადაც არის კაცი, ქალი და ბავშვი, ეს გაგება იყოს სრულად აღქმული და წარმოჩენილი ხალხის მხრიდან.
იცით, რომ საპარლამენტო უმრავლესობამ დააინიცირა კონსტიტუციური კანონის პროექტი ოჯახური ღირებულებებისა და არასრულწლოვანთა დაცვის შესახებ. დღეს ბოლო დღე იყო ამ კონსტიტუციური ცვლილების საყოველთაო-სახალხო განხილვის. ფაქტობრივად, დღეს ის 100 ათასობით საქართველოს მოქალაქე, რომელიც გამოვიდა თბილისში, საქართველოს სხვადასხვა კუთხეში, დღეს ფაქტობრივად შედგა რეფერენდუმი ამ კონსტიტუციური კანონის პროექტზე და დღეს ქართველმა ხალხმა თავისი გამოსვლით, თავისი ხმის გაგონებით დაუჭირა მხარი. ახლა ეს უკვე პარლამენტის ვალდებულებაა, ხალხის ეს რეფერენდუმი გადააქციოს კანონად. ჩვენ დავიწყებთ უკვე საპარლამენტო განხილვას კონსტიტუციური კანონის პროექტის, ახლა უკვე დაუდგება ოპოზიციას ჭეშმარიტების მომენტი, როდესაც მას მოუწევს თვალში ჩახედოს ამ რეფერენდუმში მონაწილე ხალხს, რომელიც დღეს გამოვიდა საქართველოს ქალაქებში, მიიღოს გადაწყვეტილება, დგას ქართველი ხალხის მხარეს, თუ დგას რაღაც პატარა ჯგუფების მხარეს, რომლებიც ცდილობენ, სხვადასხვა ქვეყანაში, მათ შორის საქართველოში შარყიონ ღირებულებები“, – განაცხადა შალვა პაპუაშვილმა.