რუსეთი და თურქეთი აგრძელებენ აქტიურ მუშაობას საერთაშორისო პოლიტიკის რიგ მნიშვნელოვან მიმართულებებზე, – ამის შესახებ რუსეთის პრეზიდენტმა, ვლადიმირ პუტინმა თურქეთის პრეზიდენტ რეჯეფ თაიფ ერდოღანთან შეხვედრის დროს განაცხადა.
რუსეთის პრეზიდენტის თქმით, თურქ კოლეგასთან მუდმივ კონტაქტზეა და მოსაზრებები იცვლება მსოფლიოში არსებულ ვითარებაზე.
პუტინის განცხადებით, მსოფლიოში არსებული ყველა სირთულის მიუხედავად, რუსეთსა და თურქეთს შორის ურთიერთობები პროგრესულად ვითარდება.
„ჩვენ აღვნიშნეთ სავაჭრო ბრუნვის უმნიშვნელო კლება წინა რამდენიმე თვეში, მაგრამ ის რჩება საკმაოდ მაღალ დონეზე – 55 მილიარდი დოლარი, თუ ამას დოლარში ჩავთვლით. ერთობლივი მსხვილი პროექტები ხორციელდება გრაფიკით და გეგმის მიხედვით, შეყოვნება არ არის. ასევე იგეგმება ახალი პროექტები. ჩვენ ძალიან გვიხარია ეს, ისევე როგორც შესაძლებლობა, დღეს შევხვდეთ და პირად საუბარში შევაჯამოთ გასული წლის სამუშაოები, ჩამოვთვალოთ პერსპექტივები, რას გავაკეთებთ უახლოეს მომავალში“, – განაცხადა რუსეთის პრეზიდენტმა.
ვლადიმირ პუტინმა ასევე აღნიშნა, რომ აუცილებლად ჩავა თურქეთში მოლაპარაკებების გასამართად.
წყარო: პირველი არდი