რუსეთის უშიშროების ფედერალური სამსახურის ცნობით, მათ უკრაინელების მიერ სტრატეგიული ბომბდამშენის, „ტუ-22 მ3“-ის გატაცების მცდელობა აღმოფხვრა. ამის შესახებ Deutche Welle იუწყება.
„რუსეთის უშიშროების ფედერალურმა სამსახურმა აღმოფხვრა უკრაინის სპეცსამსახურების მიერ რუსეთის საჰაერო-კოსმოსური ძალების შორი მოქმედების სტრატეგიული ბომბდამშენის, „ტუ-22 მ3“-ის გატაცების მორიგი მცდელობა“, – წერია რუსეთის უშიშროების სამსახურის განცხადებაში.
ამ ინფორმაციის მიხედვით, უკრაინული დაზვერვა რუსი პილოტის გადაბირებას ცდილობდა, მას 2 მლნ. აშშ დოლარს და იტალიის მოქალაქეობას სთავაზობდნენ. პილოტს თვითმფრინავი უკრაინის ერთ-ერთ აეროდრომზე უნდა დაესვა. რუსეთის უშიშროება ამ ოპერაციასთან კავშირში ნატოს სპეცსამსახურებს ადანაშაულებს.
ოპერატიული თამაშის შედეგად, დაბომბილ იქნა უკრაინული აეროდრომი “ოზერნოე”, აცხადებს ეფ-ეს-ბე.
„ტუ-22 მ3“ არის შორი მოქმედების ზებგერითი ბომბდამშენი. მას შეუძლია როგორ უბრალო, ასევე ბირთვული იარაღის გადატანა.