ჩვენი პრინციპი არის, რომ შორი გზიდან მოვუაროთ და შინ მშვიდობით მივიდეთ – გრძელი გზა იქნება რამდენიმე თვით დაგრძელებული გზა, რამეთუ არჩევნები არის ამერიკის შეერთებულ შტატებშიც და საქართველოშიც და რეალურად, გადატვირთვა სწორედ არჩევნების შემდეგ დაიწყება, – ამის შესახებ “ხალხის ძალის” დეპუტატმა დიმიტრი ხუნდაძემ განაცხადა.
მისი თქმით, გარე ძალები არიან გააქტიურებულები და უიმედო ოპოზიციას ეხმარებიან.
“ჩვენი პრინციპი არის, რომ შორი გზიდან მოვუაროთ და შინ მშვიდობით მივიდეთ, იმიტომ რომ მშვიდობას, მით უმეტეს, ამ პერიოდში აქვს განსაკუთრებული მნიშვნელობა.
გრძელი გზა იქნება რამდენიმე თვით დაგრძელებული გზა, რამეთუ არჩევნები არის ამერიკის შეერთებულ შტატებშიც და საქართველოშიც და რეალურად, გადატვირთვა დაიწყება სწორედ არჩევნების შემდეგ, რა დროსაც ხელისუფლებას ისევ მისცემს საზოგადოება ლეგიტიმაციას. ამის ყველა ნიშანი არსებობს, ამაზე მეტყველებს ყველა კვლევა და ამიტომ არის რომ ამ წინასწარი პროგნოზების შემხედვარე გააქტიურებულა გარე ძალები და უიმედო ოპოზიციას გარედან ეხმარებიან, რომ რამენაირად იქნებ მეტი შევიდნენ პარლამენტში, ვიდრე მათ შეუძლიათ,” – განაცხადა ხუნდაძემ.