კურსკის მახლობლად უკრაინის მოულოდნელმა თავდასხმამ რუსული არმია დაამცირა, – ამის შესახებ The Telegraph იტყობინება.
გამოცემა იხსენებს, რომ რუსეთის სამხედრო აგრესიის ორ წელზე მეტი ხნის შემდეგ უკრაინა შეტევაზეა. ასე რომ, სამშაბათს დილით, სულ მცირე 300 უკრაინელმა სამხედრომ გადაკვეთა რუსეთის საზღვარი კურსკში.
„უკრაინის ჯარებმა სწრაფად დაიკავეს რუსეთის ტერიტორიის 350 კვადრატული კილომეტრი და აიყვანეს ათობით რუსი ტყვედ… 48 საათზე ნაკლებ დროში უკრაინამ უფრო მეტი ტერიტორია დაიპყრო, ვიდრე 2023 წლის ზაფხულის ავბედითი კონტრშეტევის დროს“, – წერს გაზეთი.
სტატიაში აღნიშნულია, რომ უკრაინის შეტევითი ოპერაციები კურსკის მიმართულებით არ ნელდება.
ამავდროულად, ექსპერტების აზრით, ამ შეტევას სამი ძირითადი მიზანი აქვს:
- შეაჩეროს რუსული ძალები დონეცკის რეგიონში
- დათესოს უთანხმოება რუსეთშ
- ხელი შეუწყოს ტერიტორიების გაცვლის შეთანხმებას მომავალი მოლაპარაკებების დროს
ამავდროულად, მედია პროგნოზირებს, რომ უკრაინის წინსვლა კურსკში, სავარაუდოდ, ხანმოკლე იქნება, დასავლური ზეწოლა სავარაუდოდ აიძულებს კიევს შეცვალოს კურსი.
