ერისიონის მოცეკვავე ვაჟა გეგელაშვილი ამერიკაში გარდაიცვალა – სამწუხარო ინფორმაციას სოციალურ ქსელში მისი ოჯახის წევრი, ეკატერინე ესებუა ავრცელებს. როგორ ის წერს, მისი ბიძა, ვაჟა გეგელაშვილი 24-წლიანი ემიგრაციის შემდეგ უბრუნდება თავის მშობლიურ მიწას.
“ერისიონის” ერთ-ერთი გამორჩეული მოცეკვავე ამერიკული გასტროლების შემდეგ დარჩა ამ ქვეყანაში საცხოვრებლად:
„სიცოცხლეში ვერ შეძლო თუმცა 24-წლიანი ემიგრაციის შემდეგ უბრუნდება თავის მშობლიურ მიწას. ჩემი ბიძიკო, ვაჟა გეგელაშვილი, “ერისიონის” ერთ-ერთი გამორჩეული მოცეკვავე ამერიკული გასტროლების შემდეგ დარჩა ამ ქვეყანაში საცხოვრებლად და ვფიქრობ ეს მისი უდიდესი შეცდომა იყო… მისი პიროვნება ქართული კულტურისა და ტრადიციების ღირებულებებზე იდგა და ვერ შეძლო შეჰგუებოდა მისთვის უცხო სამყაროს…
ნოსტალგია და სევდა ავადმყოფობაში გადაეზარდა და წლები დაიტანჯა ასეთ განსაცდელში… მის სახეზე ეს სევდა მთელი წლების მანძილზე არ მოშორებია… ახლა კი ვფიქრობ დაისვენა მისმა სულმა რადგან კეთილი ადამიანი იყო და ბოროტება არასოდეს გულშიც არ გაუვლია…
ჩემს ქორწილში ქართულ ცეკვაზე გამომიცეკვა მახსოვს. ხელებს რომ გაშლიდა არწივივით ძლიერი და ლამაზი ვაჟკაცი, მასზე უკეთესი სანახავი იშვიათი იყო კაცი… სწორედ ისეთი გულანთებული ქართველი ვაჟკაცი დარჩები ვაჟიკო ჩემს გულში.
ღმერთმა დაუმკვიდროს ცათა სასუფეველი ვაჟა გეგელაშვილს!“ – წერს ეკატერინე ესებუა.
