რუსეთის პრეზიდენტმა ვლადიმირ პუტინმა მიიღო გადაწყვეტილება უკრაინის შეიარაღებული ძალების მიერ კურსკის ოლქზე თავდასხმაზე პასუხის შესახებ, – ამის შესახებ ვაშინგტონში რუსეთის ელჩმა, ანატოლი ანტონოვმა განაცხადა.
“გულწრფელად გეუბნებით, რომ პრეზიდენტმა მიიღო გადაწყვეტილება, მტკიცედ ვარ დარწმუნებული, რომ ყველა მკაცრად დაისჯება იმისთვის, რაც კურსკის ოლქში მოხდა“, – აღნიშნა ანტონოვმა.
მისი თქმით, რუსეთის ტერიტორიაზე “ბუფერული ზონა“ არ არის და არც შეიქმნება. ანატოლი ანტონოვის თქმით, მოსკოვი არ აპირებს ვაშინგტონთან კონსულტაციებს იმის შესახებ, თუ როგორ უნდა იმოქმედოს კურსკის რეგიონიდან უკრაინის შეიარაღებული ძალების განდევნის მიზნით.
“ეს შეუძლებელია. რუსეთის ტერიტორიაზე ბუფერული ზონა არ იქნება” – განაცხადა დიპლომატმა პენტაგონის პრესმდივნის მოადგილის, საბრინა სინგჰის და ამ თემაზე კიევის განცხადებების კომენტირებისას.
