უკრაინაში, ხარკოვის საჰაერო ძალების ეროვნული უნივერსიტეტის სასწავლო საავიაციო ბრიგადაში სასწავლო ფრენის დროს ვერტმფრენი Mi-2 ჩამოვარდა.
მედიის ცნობით, ბორტზე ეკიპაჟის 2 წევრი იმყოფებოდა. ორივე მათგანი დაიღუპა. შემთხვევის ადგილზე მუშაობენ გამომძიებლები, სპეციალიზებული ექსპერტები, უკრაინის თავდაცვის სამინისტროს სპეციალური კომისიის სპეციალისტები.
„ვუსამძიმრებთ გარდაცვლილის ნათესავებსა და მეგობრებს. ეს არის მტკივნეული და გამოუსწორებელი დანაკლისი ყველა ჩვენგანისთვის. გამოძიების შედეგების გასაჯაროებამდე გთხოვთ, თავი შეიკავოთ ვარაუდებისა და კომენტარებისგან“, – ნათქვამია განცხადებაში.
