ჩეხეთის ერთ-ერთ ქალაქში სკოლის მოსწავლეებს ერთ-ერთ კლასში დანით თავს დაესხნენ. დაჭრილია 2 მოსწავლე. ამის შესახებ IDNES იტყობინება.
ინციდენტი 3 სექტემბერს, დილით, პილსენის რეგიონის პატარა ქალაქში მოხდა.
„როგორც ცნობილია, ერთ-ერთი მოსწავლე სხვა მოსწავლეებს დანით თავს დაესხა. დაჭრილია ორი მოსწავლე. თავდამსხმელი დაკავებულია“, – წერს უცხოური მედია.
დაშავებულები საავადმყოფოში გადაიყვანეს, მათ სიცოცხლეს საფრთხე არ ემუქრება.
არაოფიციალური ინფორმაციით კი, ცუდი შეფასების გამო 13 წლის გოგო კლასიდან გარიცხეს. სწორედ ამის შემდეგ გადაწყვიტა მან მოსწავლეებზე თავდასხმა.
