უკრაინის პრეზიდენტის, ვოლოდიმირ ზელენსკის განცხადებით, რუსეთში სამხედრო ობიექტებზე დასავლური იარაღით იერიშისთვის შესაბამისი ქვეყნიდან არა მხოლოდ ნებართვაა საჭირო, არამედ იარაღიც. ამის შესახებ მან ნიდერლანდების პრემიერ-მინისტრთან გამართულ პრესკონფერენციაზე განაცხადა.
ზელენსკიმ აღნიშნა, რომ უკრაინა რუსეთის ფედერაციაში შორ მანძილზე დარტყმის მისაღებად პარტნიორებთან მუშაობს.
ზელენსკიმ შეერთებული შტატები, დიდი ბრიტანეთი, საფრანგეთი და გერმანია დაასახელა.
„თუ ერთ-ერთმა ქვეყანამ, დაუშვა (დარტყმები) და ასეთი გზავნილები უკვე არსებობს დიპლომატიური არხებით, ისევე როგორც მედიაში, ჩვენ უნდა ვიცოდეთ, გადმოგვცა თუ არა ამ ქვეყანამ შესაბამისი იარაღი. ანუ, მხოლოდ ნებართვა არ არის საჭირო, საჭიროა ამის (იარაღის) მიღებაც“, – აცხადებს ზელენსკი.
