აშშ-ის სახელმწიფო მდივანმა ენტონი ბლინკენმა დაადასტურა, რომ ირანმა რუსეთს ბალისტიკური რაკეტები გადასცა უკრაინაში გამოსაყენებლად.
ბლინკენმა განაცხადა, რომ ახალი სანქციები გამოცხადდება, მათ შორის ირანის სახელმწიფო ავიაკომპანია Iran Air-ის წინააღმდეგ.
„ჩვენ გავაფრთხილეთ თეირანი საჯაროდ, ჩვენ გავაფრთხილეთ თეირანი პირადად, რომ ეს ნაბიჯი იქნებოდა საშიში ესკალაცია. რუსეთმა უკვე მიიღო ეს რაკეტები“, – აღნიშნა აშშ-ის სახელმწიფო მდივანმა.
მან დასძინა, რომ რუსეთი სავარაუდოდ გამოიყენებს ამ მარაგებს რამდენიმე კვირაში.
ირანის ოფიციალურმა წარმომადგენლებმა ამ კვირაში უარყვეს, რომ ისინი იარაღს აგზავნიდნენ რუსეთში.
