რუსეთის ფედერაციის პრეზიდენტის პრესმდივანმა, დმიტრი პესკოვმა უარყო გავრცელებული ინფორმაცია, რომლის თანახმადაც კრემლის ლიდერმა, ვლადიმერ პუტინმა აშშ-ის პრეზიდენტობის კანდიდატს, დონალდ ტრამპს დაურეკა.
პესკოვმა თქვა, რომ გავრცელებული ინფორმაცია სიმართლეს არ შეესაბამება.
„არა, ეს არ არის სიმართლე“, – თქვა პესკოვმა.
ინფორმაციისთვის, ამერიკელმა ჟურნალისტმა ბობ ვუდვორდმა თავის წიგნში „ომი“, რომელიც რამდენიმე დღეში გამოვა, აღნიშნა, რომ ტრამპი მინიმუმ ერთხელ მაინც ესაუბრა პუტინს.