კალიფორნიაში, კოაჩელაში, იმ ტერიტორიის მახლობლად, სადაც დონალდ ტრამპი ამომრჩევლებს ხვდებოდა, შეიარაღებული კაცი დააკავეს.
მედიის ცნობით, დაკავებული 49 წლის ვემ მილერია, ის კალიფორნიაში, ლას-ვეგასში ცხოვრობს.
როგორც „ბიბისი“ წერს დაკავებული კაცი, 5 000-დოლარიანი გირაოს სანაცვლოდ გაათავისუფლეს.
„ინციდენტს გავლენა არ ჰქონია ყოფილი პრეზიდენტის, დონალდ ტრამპისა და ღონისძიების დამსწრეთა უსაფრთხოებაზე“, – აღნიშნულია პოლიციის განცხადებაში.
ცნობისთვის, შეიარაღებული კაცი კალიფორნიის შტატის ქალაქ კოაჩელაში, აშშ-ის პრეზიდენტობის კანდიდატის, დონალდ ტრამპის მხარდამჭერებთან შეხვედრაზე, ტერიტორიის შესასვლელთან დააკავეს. როგორც მედია პოლიციაზე დაყრდნობით იტყობინება, კაცს იარაღი და ყალბი საშვი ჰქონდა.