მოლდოვის ცენტრალურმა საარჩევნო კომისიამ საპრეზიდენტო არჩევნების პირველი ტურის საბოლოო შედეგები გამოაცხადა. ამის შესახებ Newsmaker იუწყება.
პირველი ტურის შედეგის მიხედვით, მეორე ტურში მოქმედი პრეზიდენტი მაია სანდუ გავიდა ხმების 42,49%-ით, მას ხმა მისცა 656 852 ამომრჩეველმა.
პრორუსული სოციალისტების პარტიის კანდიდატს ალექსანდრე სტოიანოგლოს ხმა მისცა 25,95%-მა ანუ 401 215 ამომრჩეველმა.
მოლდოვაში საპრეზიდენტო არჩევნების მეორე ტური 3 ნოემბერს გაიმართება.
20 ოქტომბრის საპრეზიდენტო არჩევნებში კენჭს სულ 11 კანდიდატი იყრიდა. ამომრჩეველთა აქტივობა 51,67% იყო.
ქვეყნის ევროინტეგრაციის საკითხზე 20 ოქტომბერს მოლდოვაში ჩატარდა რეფერენდუმიც ჩატარდა.
შედეგების 98,42%-ის მიხედვით, შეკითხვას, მხარს უჭერთ თუ არა კონსტიტუციაში შესწორებას ევროკავშირთან მოლდოვის შეერთების მიზნით, დადებითად 50,08%-მა უპასუხა.