თურქეთში, ჩორუმში, 5 სართულიან საცხოვრებელ კორპუსში, მესამე სართულზე აფეთქება მოხდა.
თურქული მედიის ინფორმაციით, აფეთქება სავარაუდოდ, ბუნებრივი აირის გაჟონვამ გამოიწვია. აფეთქების შედეგად 1 ადამიანი დაიღუპა და 33 დაშავდა.
დაშავებულებს შორის 11 ადამიანის მდგომარეობა მძიმეა, ისინი სასწრაფო დახმარების ეკიპაჟმა სამედიცინო დაწესებულებაში გადაიყვანა.
აფეთქების შედეგად, კორპუსთან გაჩერებული ავტომობილებიც დაზიანდა.
ქუჩა გადაკეტილია და შემთხვევის ადგილი სამართალდამცველებმა ყვითელი ლენტით შემოსაზღვრეს.
