ტელეკომპანია “ფოქს ნიუსის” ინფორმაციით, ამ დროისთვის „რესპუბლიკური“ პარტიის საპრეზიდენტო კანდიდატს დონალდ ტრამპს ამომრჩეველთა კოლეგიის წევრთა 232 ხმა აქვს, ხოლო მის ოპონენტს, კამალა ჰარისს – 212 ხმა.
ტრამპმა გაიმარჯვა შემდეგ შტატებში: ინდიანა, კენტუკი, დასავლეთ ვირჯინია, ალაბამა, ფლორიდა, მისისიპი, მისური, ოკლაჰომა, სამხრეთ და ჩრდილოეთ კაროლინა, არკანზასი, ტენესი, იუტა, მონტანა, ოჰაიო, სამხრეთ დაკოტა, ნებრასკა, ტეხასი, უაიომინგი, ჩრდილოეთ დაკოტა, ლუიზიანა, კანზასი, აიდაჰო.
ხოლო კამალა ჰარისი კი კალიფორნიის, კონექტიკუტის, მასაჩუსეტსის, მერილენდის, როდ-აილენდის, ნიუ-ჯერსის, ილინოისის, მენის, დელავერის, კოლორადოს, ნიუ-იორკისა და ვერმონტის შტატებში და კოლუმბიის ოლქში.
საპრეზიდენტო არჩევნებში გამარჯვებისთვის კანდიდატმა ამომრჩეველთა კოლეგიის წევრთა 538 ხმიდან სულ მცირე 270 ხმა უნდა მიიღოს.
ამა გარდა, ტრამპი უსწრებს ჰარისს შემდეგ შტატებში: ვისკონსინი, მიჩიგანი, პენსილვანია, ჯორჯია, არიზონა. ამ შტატებიდან მოპოვებული ხმების ჯამური რაოდენობა კი 71-ს შეადგენს, რაც სრულიად საკმარისია დონალდ ტრამპის გამარჯვებისათვის. ამასთან ხმების დათვლა ჯერ არ დაწყებულა ნევადას, ჰავაის და ალასკას შტატებში (13 ხმა).
