აფხაზეთში დაკავებული ოპოზიციონერების დაკავება დაიწყეს. აღნიშნულის შესახებ ინფორმაციას „Ekhokavkaza“ ავრცელებს.
როგორც მედიასაშუალება წერს, ომარ სმირი, გარი კოკაია, ალმასხან არძინბა, რამაზ ჯოპუა და ასლან გვარამია 11 ნოემბერს დააკავეს.
რეგიონის „ხელმძღვანელობის“ განცხადებით, მათ „არაკანონიერი ქმედებები ჩაიდინეს პარლამენტის წევრის.“
ოპოზიციონერების დაკავებამ სოხუმის შესასვლელთან საკვანძო ხიდების დაკეტვა და პროტესტი გამოიწვია.
„დღეს ცნობილი გახდა, რომ სოხუმის ე.წ. სასამართლომ კოკაიას, არძინბას და ჯოპუას მასალები მიიღო. მათ ბრალი წვრილმან ხულიგნობაში წაუყენეს. ომარ სმირისა და ასლან გვარამიას მასალები სასამართლოს არ მიუღია“, – წერს ტელეგრამ არხზე ჟურნალისტი ელეონორა გილოიანი.
ასლან გვარამია და ომარ სმირი უკვე გაათავისუფლეს.
მანამდე კი, „საზოგადოებრივი პალატის“ წევრმა, სოკრატე ჯინჯოლიამ მომიტინგეებთან მოლაპარაკების დროს განაცხადა, რომ „ხელისუფლება“ მზად არის ხიდების გახსნის სანაცვლოდ ყველა დაკავებული ოპოზიციონერი დააკავოს.
ინფორმაციისთვის, აფხაზეთში ოპოზიციის რამდენიმე წარმომადგენლის დაკავების შემდეგ მომხდარი არეულობის გამო, დე ფაქტო პრეზიდენტმა ასლან ბჟანიამ უშიშროების საბჭოს საგანგებო სხდომა გამართა. ე.წ. სახელმწიფო უსაფრთხოების სამსახურის უფროსმა დიმიტრი კუჭუბერიამ მომხდარს „მასობრივი არეულობა“ უწოდა.
გასულ ღამეს ოპოზიციონერებმა დაკავებული პირების გათავისუფლების მოთხოვნით სოხუმის რეგიონში გუმისთას ხიდი გადაკეტეს.
