რუსეთის ფედერაციის პრეზიდენტის პრესმდივნის, დმიტრი პესკოვის განცხადებით, კრემლსა და თეთრ სახლს შორის კუბის სარაკეტო კრიზისის შემდეგ შექმნილი ცხელი ხაზი ახლა არ გამოიყენება.
პრესმდივანმა განმარტა, რომ არსებობს სპეციალური უსაფრთხო ხაზი აშშ-სა და რუსეთის ფედერაციის პრეზიდენტებს შორის კომუნიკაციისთვის, მაგრამ კონტაქტები არც ამ გზით ყოფილა.
„არც ამ ხაზით ყოფილა არანაირი კონტაქტი, თუნდაც სასწრაფო ყოფილიყო“, – აცხადებს დმიტრი პესკოვი.
როგორც რუსული მედია წერს, კრემლის ვებგვერდის მონაცემებით , პუტინის ბოლო სატელეფონო საუბარი აშშ-ის პრეზიდენტთან 2022 წლის 12 თებერვალს შედგა.
„ბაიდენისა და პუტინის საუბარი 1 საათზე მეტხანს გაგრძელდა. მთავარი თემა რუსეთის უსაფრთხოების გარანტიები და უკრაინის გარშემო არსებული ვითარება იყო. საუბარი ასევე შეეხო რუსეთის ფედერაციასა და აშშ-ს ორმხრივ ურთიერთობებს“, – წერს რუსული მედია.
