აშშ-ის პრეზიდენტის ჯო ბაიდენის ადმინისტრაციამ ქვეყნის კონგრესს უკრაინისთვის 4,65 მილიარდი დოლარის ოდენობის ვალის ჩამოწერის თხოვნით მიმართა. ინფორმაციას „ამერიკის ხმა“ ავრცელებს.
როგორც ინფორმაციაშია აღნიშნული, ჯერ კიდევ აპრილში კონგრესმა უკრაინის უსაფრთხოებისთვის დამატებითი 61 მილიარდი დოლარის გამოყოფა დაამტკიცა.
დოკუმენტის თანახმად, 61 მილიარდი დოლარიდან დაახლოებით 10 მილიარდი დოლარი არის ვალი. ბაიდენს აქვს უფლება ამ ვალის 50%-ის დაბრუნება მოითხოვოს. ხოლო მეორე ნახევარი უკრაინას, შესაძლოა, მოსთხოვონ 2026 წელს.
როგორც სახელმწიფო დეპარტამენტში განმარტეს, ბაიდენის ადმინისტრაცია აპირებს კონგრესს სთხოვოს, რომ უკრაინას ფულის დაბრუნება აღარ მოსთხოვოს.
