რუსეთს ნამდვილად არ გამოუყენებია ბალისტიკური რაკეტები დნეპრის “იუჟმაშის” ქარხანაში, რადგან ამ ტიპის რაკეტები ასე მჭიდროდ არ ცვივა და, გარდა ამისა, კადრებში არ ჩანს მიწისზედა აფეთქებები, რაც მიუთითებს ჰიპერბგერითი კომპლექსის გამოყენებაზე. ამის შესახებ სააგენტო “ნსნ“-სთან საუბარში სამხედრო ექსპერტმა ალექსეი ლეონკოვმა განაცხადა.
Telegram-ის არხებმა დღეს გამოაქვეყნეს დნეპრის “იუჟმაშის” ქარხანაზე თავდასხმის ამსახველი ვიდეო. უკრაინულმა მედიამ, თავის მხრივ, გაავრცელა [დეზ]ინფორმაცია იმის შესახებ, რომ რუსეთმა თითქოს პირველად გამოიყენა კონტინენტთაშორისი ბალისტიკური რაკეტა. რუსეთის პრეზიდენტის პრესმდივანმა დიმიტრი პესკოვმა რუსეთის ფედერაციის მიერ კონტინენტთაშორისი ბალისტიკური რაკეტების შესაძლო გამოყენების შესახებ შეკითხვასთან დაკავშირებით, ჟურნალისტები რუსეთის თავდაცვის სამინისტროსთან გადაამისამართა.
ლეონკოვმა აღნიშნა, რომ ვიდეოკადრებზე დაყრდნობით, რუსეთმა უკრაინაში მიწისქვეშა ბუნკერების განადგურების მიზნით ზებგერითი კომპლექსი გამოიყენა.
„გამოქვეყნებული კადრებიდან ირკვევა, რომ გამოყენებულია ჰიპერბგერითი კომპლექსი, რომელიც ძალიან ღრმად აღწევს მიწაში. მიწისზედა აფეთქებები არ ჩანს. ყველამ იცის, რომ “იუჟმაშს” აქვს ბუნკერები, რომლებსაც უკრაინა თავისი შეიარაღებების ასაწყობ ხაზად იყენებს. ამიტომ ეს “ჰიპერბგერა” ღრმად აღწევს და ანადგურებს იქ ბუნკერებს. შემიძლია ვივარაუდო, რომ ვინაიდან ერთდროულად ბევრი დარტყმაა, ეს არის “ცირკონის” გემსაწინააღმდეგო ზებგერითი სისტემები. (ინტერკონტინენტური) რაკეტები გაშვებულია ათეულობით. მაგალითად, ასეთი რაკეტებით ერთი ავიამზიდის დასარტყმელად საჭიროა თითო გემზე დაახლოებით 4-5 რაკეტა. გარდა ამისა, ნებისმიერი კონტინენტთაშორისი ბალისტიკური რაკეტის საბრძოლო თავები არ ეცემა ასე მჭიდროდ, მრავალი გარემოების გამო. ამ შემთხვევაში კი ჩვენ ვხედავთ, როგორ ეცემა 3-4 რაკეტა ერთდროულად. ასე რომ, ბალისტიკური რაკეტები ნონსენსია“, – განმარტა მან.
ვიდეო:
