პრეზიდენტმა ვოლოდიმირ ზელენსკიმ განკარგულებას ხელი მოაწერა, რომლის მიხედვითაც 34 ადამიანი მოღალატედ გამოცხადდა და ჯილდოები ჩამოერთვათ.
ამ სიაში მოხვდა უკრაინის ნაკრების ყოფილი კაპიტანი ანატოლი ტიმოშჩუკი, რომელიც რუსული “ზენიტის” მწვრთნელის თანაშემწეა და თანამდებობა არც ომის დაწყების შემდეგ არ დაუტოვებია.
სიაში ასევე მოხვდნენ ყოფილი ხელისუფლების წარმომადგენლები, “არსენალის” ყოფილი მფლობელი: ვადიმ რაბინოვიჩი, პროკურორები, მხატვრები და სხვა ადამიანები.
უკრაინის პრეზიდენტმა, ვოლოდიმირ ზელენსკიმ ხელი მოაწერა განკარგულებას უკრაინის 34 მოღალატისთვის სახელმწიფო ჯილდოების ჩამორთმევის შესახებ, – ინფორმაციას უკრაინული მედია ავრცელებს.
- მათივე ინფორმაციით, აღნიშნული განკარგულებით ზელენსკიმ აამოქმედა ეროვნული უსაფრთხოებისა და თავდაცვის საბჭოს გადაწყვეტილება უკრაინის მოღალატეებისთვის სახელმწიფო ჯილდოების ჩამორთმევის შესახებ.
სია მოიცავს ყოფილ თანამდებობის პირებს, მათ შორის: სახალხო დეპუტატებს, უსაფრთხოების სამსახურისა და გენერალური პროკურატურის ხელმძღვანელებს, პროკურორებს, ასევე ხელოვნების სფეროს წარმომადგენლებს, რუს პოლიტიკურ, რელიგიურ და კულტურის სფეროს მოღვაწეებს. უკრაინის სახელმწიფო ჯილდოები ყველა მათგანს განუსაზღვრელი ვადით ჩამოერთვა.
იმ მოქალაქეებს შორის, რომლებიც უკრაინის სახელმწიფო ჯილდოს გარეშე დარჩნენ არიან: უკრაინის ყოფილი სახალხო დეპუტატი ვიქტორ მედვედჩუკი და უკრაინის ყოფილი პრემიერ-მინისტრი მიკოლა აზაროვი.
ამასთან, სახელმწიფო ჯილდოები ჩამოერთვათ რუს მომღერლებს: ნიკოლაი ბასკოვს, ფილიპ კირკოროვს, ალექსანდრე მალინინს, რუს კომპოზიტორს იგორ კრუტოის, ასევე მომღერლებს ანი ლორაკსა და ტაისია პოვალის.
