თბილისში საპროტესტო აქციების დროს დაკავებული რუსეთის მოქალაქე სომხეთში გააძევეს.
საქართველოში მცხოვრები და მოღვაწე მამაკაცი 29-30 ნოემბრის ღამეს დააკავეს. ის აცხადებს, რომ პროტესტის დროს პრესის წარმომადგენლების გვერდით იდგა “ცდილობდა მაქსიმალურად შორს ყოფილიყო მომიტინგეებისგან“.
-
მამაკაცი, სახელად მიხეილი აცხადებს, რომ პოლიციამ ჟურნალისტების გაყვანა სცადა, დაემუქრა, შემდეგ კი მიწაზე დააგდო და მანქანაში ძალის გამოყენებით ჩასვა. მისივე თქმით, პოლიცია ყოველ ახალ დაკავებულს წიხლებს ურტყამდა. როცა გაიგეს, რომ რუსულად საუბრობდა, კიდევ უფრო სასტიკად დაიწყეს მასთან მოქცევა.
1-2 დეკემბრის ღამეს მიხეილი მიგრაციის სამსახურში ყოველგვარი ახსნა-განმარტების გარეშე წაიყვანეს. იმავე დღეს მის სახლში პოლიციის თანამშრომლები მივიდნენ და რუსული პასპორტი წაართვეს. ამის შემდეგ მანქანაში და სომხეთის საზღვარზე გადაიყვანეს. მან საქართველოში დაბრუნება სცადა, მაგრამ ქართველმა მესაზღვრეებმა არ გაუშვეს.
თბილისის სასამართლომ 10-დან 13 დღემდე ადმინისტრაციული პატიმრობა შეუფარდა რუსეთის კიდევ ორ მოქალაქეს, რომლებიც დააკავეს საქართველოს ევროკავშირში გაწევრიანების შესახებ მოლაპარაკებების შეჩერების წინააღმდეგ გამართულ აქციაზე. ამის შესახებ მედიას მათმა ნათესავებმა და მეგობრებმა განაცხადეს.
საერთო ჯამში, ქართულმა პოლიციამ საპროტესტო აქციებზე სულ მცირე 11 უცხოელი დააკავა – რვა რუსეთის მოქალაქე, ასევე ბელორუსის, შეერთებული შტატებისა და დიდი ბრიტანეთის მოქალაქეები.
