ევროკავშირის სანქციების ახალი პაკეტის მიღება რუსეთის წინააღმდეგ ჩაიშალა ლიეტუვასა და ლატვიას გამო, რომლებმაც დაადეს ვეტო პაკეტს. ამით ისინი გამოვიდნენ იმ გამონაკლისი წესის წინააღმდეგ, რომელიც ევროკავშირის წევრი ქვეყნების კომპანიებს უფლებას აძლევს, გააგრძელონ მუშაობა რუსეთში, – წერს Politico.
სამმა დიპლომატმა ევროკავშირიდან განაცხადა, რომ ამ მიზეზით ვერ მოხერხდა ახალი შეზღუდვების დაწესება იმ კომპანიებსა და ნავთობის ტანკერებზე, რომლებიც რუსეთს უწყობენ ხელს აწარმოონ ომი უკრაინაში.
„შეფერხება მოხდა მას შემდეგ, რაც ევროკავშირის ორმა ქვეყანამ – ლიეტუვამ და ლიტვამ განაცხადეს უარი, დაეჭირათ მხარი პაკეტისთვის, რადგან ის ასევე ითვალისწინებდა იმ მდგომარეობის გაგრძელებას, რომელიც აძლევს უფლებას დასავლეთის კომპანიებს გააგრძელონ მუშაობა რუსეთში, მიუხედავად მოქმედი სანქციებისა“, – ნათქვამია სტატიაში.
ეს პუნქტი თავიდანვე იყო განკუთვნილი იმ კომპანიებისთვის, რომლებიც აცხადებენ, რომ აპირებენ გაიტანონ რუსეთიდან საკუთარი აქტივები, თუმცა ამას გარკვეული მიზეზების გამო ვერ აკეთებენ.
უნდა აღინიშნოს, რომ სხვა ევროკავშირის წევრ ქვეყნებს, მათ შორის გერმანიას და საფრანგეთს, არ სურდა ამ საკითხის ამ ეტაპზე განხილვა.
„სამწუხაროდ, ჩვენ ვერ დავამტკიცეთ დღეს სანქციების 15-ე პაკეტი, რადგან ლიტვა და ლატვია არ დაეთანხმა მას“, – განაცხადა ერთ-ერთმა ევროკავშირის დიპლომატმა.