გრიპი შეიძლება მიმდინარეობდეს მსუბუქად, მძიმედ ან სულაც იყოს სასიკვდილო. ყოველ წელს მსოფლიოში გრიპისგან 290 ათასიდან 650 ათასამდე ადამიანი იღუპება, – ინფორმაციას მსოფლიო ჯანდაცვის ორგანიზაცია სოციალურ ქსელ X-ში ავრცელებს.
ჯანდაცვის მსოფლიო ორგანიზაცია იძლევა შემდეგ რეკომენდაციებს გრიპის სეზონის განმავლობაში:
- სეზონური გრიპის ვაქცინაცია;
- დახველების ან დაცემინების დროს უნდა დაიფაროთ პირის ღრუ მოხრილი მკლავით ან ერთჯერადი ცხვირსახოცით, შემდეგ ეს ცხვირსახოცი უნდა გადააგდოთ ნაგვის დახურულ ყუთში;
- რეგულარულად დაიბანეთ ხელები;
- დარჩით სახლში, თუ თავს ცუდად გრძნობთ;
- შეძლებისდაგვარად გაანიავეთ ოთხები;
- არ შეეხოთ ხელებით თვალებს, ცხვირს და პირს;
- მოერიდეთ მჭიდრო კონტაქტს ავადმყოფ ადამიანებთან;
- თუ გაქვთ გრიპის მსუბუქი სიმპტომები და გჭირდებათ სახლიდან გასვლა, გაიკეთეთ პირბადე.