აშშ-ის პრეზიდენტმა დონალდ ტრამპმა განაცხადა, რომ აპირებს განაახლოს თანამშრომლობა ჩრდილოეთ კორეის ლიდერ კიმ ჩენ ინთან. ამის შესახებ მან Fox News-თან ინტერვიუში განაცხადა.
ტრამპის თქმით, მას კიმ ჩენ ინთან თავისი პირველი პრეზიდენტობის პირველი ვადის განმავლობაში კარგი ურთიერთობა ჰქონდა.
„მე ის მომეწონა“, – აღნიშნა ტრამპმა.
ჟურნალისტის კითხვაზე, კვლავ დაუკავშირდება თუ არა ამერიკის პრეზიდენტი ჩრდილოეთ კორეის ლიდერს, ტრამპმა დადებითად უპასუხა.
„მე მას კვლავ დავუკავშირდები”, – თქვა ტრამპმა.
ტრამპი ასევე აცხადებს, რომ ჩრდილოეთ კორეის ლიდერი არ არის რელიგიური ფანატიკოსი და არის ჭკვიანი.
ინფორმაციისთვის, პირველი საპრეზიდენტო ვადის განმავლობაში დონალდ ტრამპმა სამი შეხვედრა გამართა კიმ ჩენ ინთან: სინგაპურში, ჰანოიში და კორეის საზღვარზე – ეს იყო პირველი შემთხვევა, როდესაც აშშ-ის მოქმედი პრეზიდენტი კორეის ტერიტორიაზე იმყოფებოდა.
