სომხეთის პრემიერ-მინისტრმა ნიკოლ ფაშინიანმა ბელარუსის პრეზიდენტის, ალექსანდრ ლუკაშენკოს განცხადებასთან დაკავშირებით კომენტარის გაკეთებაზე უარი თქვა. აღნიშნულის შესახებ სომხური მედია იტყობინება.
„პატივისცემით, ჩემი დიალოგი ლუკაშენკოსთან დასრულდა. მე მასთან საკამათო მეტი არაფერი მაქვს”, – თქვა ფაშინიანმა.
როგორც სომხური მედია წერს, ფაშინიანმა ლუკაშენკო მთიანი ყარაბაღის კონფლიქტში აზერბაიჯანის მხარდაჭერაში დაადანაშაულა.
„დიპლომატიური სკანდალი ერევანსა და მინსკს შორის აზერბაიჯანის პრეზიდენტ ალიევთან სტუმრობისას ლუკაშენკოს აღმაშფოთებელი განცხადების შემდეგ დაიწყო“, – აღნიშნავს სომხური მედია.
