უკრაინის პრეზიდენტის ვოლოდიმირ ზელენსკის მეგობრების სია თეთრ სახლში იკლებს, სამშვიდობო მოლაპარაკებებში დაძაბულობის ესკალაციის გამო. ამის შესახებ New York Post-ი წერს.
როგორც გამოცემა აღნიშნავს, ორ ლიდერს შორის მუდმივად დაძაბული ურთიერთობა ამ კვირაში ღია მტრობაში გადაიზარდა. მიუხედავად იმისა, რომ ვაშინგტონსა და კიევს შორის ურთიერთობების გაუარესება მოულოდნელად გამოიყურება, თეთრი სახლის დისკუსიების შესახებ ინფორმირებულმა წყარომ განაცხადა: „ეს ჩემთვის სიახლე არ არის. თვეების წინ გავიგე, რომ არჩევნებისა და ახალი ხელმძღვანელობის დროა“.
ტრამპთან დაახლოებული მეორე წყარო ეთანხმება ამ შეფასებას და ვარაუდობს, რომ „საუკეთესო ვარიანტი [ზელენსკისთვის] და მსოფლიოსთვის იქნება მისი დაუყოვნებლივ წასვლა საფრანგეთში“.
იმავდროულად, თეთრი სახლის ოფიციალურმა წარმომადგენელმა აღიარა, რომ მას არ მოსწონს ზელენსკი, რადგან ის „ეკლესიებს კრძალავს“.
თეთრ სახლში უკრაინის ყოფილმა დამცველებმა, მათ შორის ეროვნული უსაფრთხოების საკითხებში მრჩეველმა მაიკ უოლცმა, გაიზიარეს ტრამპის შეხედულებები ზელენსკის გაკრიტიკებასთან დაკავშირებით, მაგრამ არაფერი უთქვამთ კრემლის ლიდერ ვლადიმერ პუტინზე.
„აშშ-ის პრეზიდენტის განცხადებები აჩვენებს, რომ მას სურს, არჩევნები უკრაინაში რაც შეიძლება მალე ჩატარდეს და ზელენსკი შეცვალოს ვინმემ, ვისაც მოლაპარაკებების წარმართვა უფრო შეუძლია. ეს შეიძლება იყოს პირი, რომელსაც ტრამპი და მისი მოკავშირეები ენდობიან: სამხედრო ლიდერი, ან ბიზნესმენი“, – აღნიშნავს გამოცემა.
ამავდროულად, წყაროების თქმით, არ არსებობს აშკარა კანდიდატი, რომელსაც ტრამპი ამჯობინებდა.
