კრემლის პრესსპიკერის დმიტრი პესკოვის განცხადებით, კრემლი შეშფოთებულია ნატოს ქვეყნების სამხედრო კონტინგენტის უკრაინაში შესაძლო გაგზავნის შესახებ გავრცელებულ ინფორმაციასთან დაკავშირებით.
„ჩვენ, რა თქმა უნდა, განსაკუთრებული ყურადღებით ვაკვირდებით ამ ინფორმაციას და ვაკვირდებით ევროპელების ზოგჯერ წინააღმდეგობრივ ოფიციალურ განცხადებებს ამ საკითხზე. ეს იწვევს ჩვენს შეშფოთებას, რადგან საუბარია სამხედრო კონტინგენტის გაგზავნაზე უკრაინაში“, – აცხადებს პესკოვი.
პესკოვის თქმით, „ეს საკითხი სრულიად განსხვავებულ მნიშვნელობას იძენს რუსეთის უსაფრთხოების თვალსაზრისით“.
„ამიტომ, ეს თემა ჩვენთვის ძალიან მნიშვნელოვანია, ჩვენ ამას ძალიან ყურადღებით ვაკვირდებით. მინდა შეგახსენოთ ჩვენი საგარეო საქმეთა მინისტრის სიტყვები – ნატოს წევრი ქვეყნების სამხედრო კონტინგენტის განთავსება უკრაინის ტერიტორიაზე ჩვენთვის მიუღებელია“, – დასძენს პესკოვი.