დარწმუნებული არ ვარ, რომ ეს „ამერიკა უპირველეს ყოვლისას“ დემონსტრაციაა… უფრო როგორც პუტინის რუსეთის მერე მეორე ადგილზე მყოფი ამერიკა გამოიყურება, – ამის შესახებ საქართველოს მეხუთე პრეზიდენტი, სალომე ზურაბიშვილი X-ის საკუთარ გვერდზე წერს.
ამასთან, სალომე ზურაბიშვილი X-ის საკუთარ გვერდზე კიდევ ერთ პოსტს ავრცელებს.
„ტრამპისა და ზელენსკის შეხვედრა. პირველად, როდესაც ჩემით უნდა ჩავდგომოდი მოლაპარაკებებს სათავეში, ბევრი წლის წინ, უფრო გამოცდილმა კოლეგამ საბაზისო რაღაცები მასწავლა: „ნებისმიერი ქმედების უფლება გაქვს, მაგრამ არასდროს… არასდროს დაამცირო მეორე მხარე!“ მათ უნდა იშუამავლონ, ვისაც სურს მშვიდობისმყოფელებად წარმოჩენა!
ვოლოდიმირ ზელენსკი, ისინი, ვისაც ესმის რას ნიშნავს საკუთარი ტერიტორიის, დამოუკიდებლობისა და თავისუფლების დაცვა – არა ერთხელ, არამედ ხშირად ბოლო ორი საუკუნის განმავლობაში – თქვენს მხარეს არიან, ბატონო პრეზიდენტო“, – წერს ზურაბიშვილი.
„დარწმუნებული არ ვარ, რომ ეს „ამერიკა უპირველეს ყოვლისას” დემონსტრაციაა… უფრო როგორც პუტინის რუსეთის მერე მეორე ადგილზე მყოფი ამერიკა გამოიყურება. მაშინ, როდესაც ყველას უფრო ძლიერი ამერიკა გვჭირდება უფრო ძლიერ ევროპასთან ერთად. როგორც ჩანს, საბოლოოდ ყველანი ამ უკანასკნელის აღმოცენებას ვხედავთ”, – წერს კიდევ ერთ პოსტში ზურაბიშვილი.
კომენტარი: არის ორი ვარიანტი: ან მადამ ზურაბის ნერვებმა უმტყუნა, ტრამპის ადმინისტრაციის მხარდაჭერის იმედი აქვს დაკარგული (თუმცა იგივე ადმინისტრაცია ქოცებსაც სრულ იგნორს უკეთებს), ან, უფრო, ევროგლობალისტებს აჰყვა (ტუსკი, მერცი, მეცოლა და სხვ.) და არ სურს , მათ ჩამორჩეს. თუმცა ორივე შემთხვევაში ერთნაირი სისულელეა მისი მხრიდან. სჯობდა, გაჩუმებულიყო.