აშშ-ს უკრაინისთვის სადაზვერვო ინფორმაციის გაზიარება არ შეუწყვეტია, – ამის შესახებ RBC-უკრაინას სამხედრო-პოლიტიკური წრეების რამდენიმე წყარომ განუცხადა.
„რაც შეეხება სადაზვერვო ინფორმაციის გადაცემას ან გაცვლას, უკრაინის ხელისუფლებას აქ ცვლილებები ჯერ არ შეუმჩნევია, ყველაფერი ისევ ისეა, როგორც ადრე“, – აცხადებს ერთ-ერთი წყარო.
ამავდროულად, სხვა წყარო ეჭვობს, რომ აშშ-ის პრეზიდენტის დონალდ ტრამპის ადმინისტრაციის გადაწყვეტილება იარაღის მიწოდების შეწყვეტის შესახებ, თუ ის ძალაში შევა, იმოქმედებს დაზვერვის მონაცემებზე, რადგან, თანამოსაუბრის თქმით, „ეს არის თანამშრომლობის განსხვავებული ხაზი“.
თავის მხრივ, The Economist-ის ჟურნალისტმა ოლივერ კეროლმა დაწერა თავის X სოციალური მედიის გვერდზე, რომ არ მომხდარა რაიმე ცვლილება დაზვერვის გაზიარებაში.