შეერთებულმა შტატებმა ჩინურ საქონელზე ტარიფები 10%-დან 20%-მდე გაზარდა. ჩინეთის საელჩომ აშშ-ში განაცხადა, რომ მზად არის ბოლომდე იბრძოლოს.
ამერიკის შეერთებულ შტატებში ჩინეთის საელჩომ ჩინურ საქონელზე ამერიკული ტარიფების გაზრდის შემდეგ მკვეთრი განცხადება გააკეთა. ვაშინგტონმა იმპორტის ტარიფების 10%-დან 20%-მდე გაზრდა გადაწყვიტა, რამაც პეკინის მწვავე რეაქცია გამოიწვია.
„თუ აშშ-ს ნამდვილად სურს ფენტანილის პრობლემის მოგვარება, მაშინ უმჯობესი იქნება ჩინეთთან კონსულტაციები და ერთმანეთის თანასწორად მოპყრობა. თუ ომი არის ის, რას აშშ-ს სურს, იქნება ეს სატარიფო ომი, სავაჭრო ომი თუ სხვა ომი, ჩვენ ბოლომდე ბრძოლისთვის მზად ვართ“, – წერს აშშ-ში ჩინეთის საელჩო.
