უკრაინაზე ნებისმიერი შეთანხმება მოხდება მოსკოვის და არა ვაშინგტონის პირობებით, – ასე გამოეხმაურა რუსეთის ფედერაციის საბჭოს ვიცე-სპიკერი კონსტანტინ კოსაჩოვი საუდის არაბეთში, ამერიკისა და უკრაინის დელეგაციებს შორის გამართულ მოლაპარაკებებს.
მისი თქმით, პირობები ამერიკულია და არა უკრაინული.
„უკრაინელები ეთანხმებიან იმას, რასაც ეუბნებიან. ამავდროულად, ქედს იხრიან და ტრაბახობენ, რად ღირს მარტო ფორმულა: „ჩვენ მოვაწერთ ხელშეკრულებას ხელს, როცა ვაშინგტონისთვის მოსახერხებელი იქნება“. ზელენსკი დაცვაშია. ან, როგორც სახელმწიფო დეპარტამენტის სპიკერმა თქვა, „ტრამპმა ზელენსკი თავის ადგილას დააყენა“. რუსეთი წინ მიიწევს და, შესაბამისად, რუსეთთან ყველაფერი სხვაგვარად იქნება. ნებისმიერი შეთანხმება (კომპრომისის აუცილებლობის სრული გაგებით) იქნება ჩვენი პირობებით და არა ამერიკული. ეს არ არის ტრაბახი, არამედ იმის გაგება, რომ რეალური შეთანხმებები ჯერ კიდევ იწერება იქ, ფრონტზე. ეს უნდა ესმოდეთ ვაშინგტონში. ამავდროულად, ახლა მთავარია, რომ არ ჩაერიოთ რუსულ-ამერიკულ მოლაპარაკებებში. ნება მიეცით მომლაპარაკებლებს, აკეთონ თავიანთი საქმე. გამარჯვება ჩვენი იქნება“, – წერს კოსაჩოვი
