18 მარტს სატელეფონო საუბრისას რუსეთისა და აშშ-ის პრეზიდენტებმა, ვლადიმერ პუტინმა და დონალდ ტრამპმა, განიხილეს, თუ ვინ შეიძლება წარმოადგენდეს მოსკოვსა და ვაშინგტონს მოლაპარაკებებზე, – განუცხადა ჟურნალისტებს რუსეთის ლიდერის პრესმდივანმა დმიტრი პესკოვმა.
„მოველით, რომ მოლაპარაკებები ექსპერტების დონეზე გაგრძელდება და უახლოეს დღეებშიც გაგრძელდება. ამაზე ისაუბრეს. კერძოდ, პრეზიდენტებმა ისაუბრეს ასეთი მოლაპარაკებების აუცილებლობაზე. ისაუბრეს იმაზე, თუ ვინ შეიძლება წარმოადგინოს ქვეყნები ასეთ მოლაპარაკებებში. ეს თემა მართლაც იყო ნახსენები“, – განაცხადა კრემლის სპიკერმა კითხვაზე, ვინ იქნება რუსეთის მთავარი მომლაპარაკებელი.
