ფრანგი მსახიობი ჟერარ დეპარდიე პარიზში, სასამართლოს წინაშე წარდგა. მას ბრალად ედება ორი ქალი სექსუალური შევიწროება გადასაღებ მოედანზე. ეს საქმე შესაძლოა საფრანგეთში #MeToo მოძრაობის მნიშვნელოვან ეტაპად იქცეს.
76 წლის დეპარდიეს ბრალად ედება, რომ 2021 წელს ფილმ “Les Volets Verts” (“მწვანე ფანჯრები”) გადაღებებისას 54 წლის დეკორატორსა და 34 წლის რეჟისორის ასისტენტს შეეხო “შეუფერებელი გზით”.
-
თუ ის დამნაშავედ ცნეს, მსახიობს 5 წლამდე თავისუფლების აღკვეთა და 75,000 ევროს ოდენობით ჯარიმა ემუქრება.
დეპარდიე ყველა ბრალდებას უარყოფს. სასამართლოში მან განაცხადა, რომ მზად არის ყველა შეკითხვას უპასუხოს.
დაცვის მხარის განცხადება
“ჩვენ შევძლებთ დავამტკიცოთ, რომ ყველა ეს ბრალდება სიცრუეა, სიმართლე ცხადი იქნება და ის ჩვენს მხარესაა”, – “განუცხადა დეპარდიეს ადვოკატმა, ჟერემი ასუმ ჟურნალისტებს.
- სასამართლო პროცესი
დეპარდიეს მრავალწლიანი კარიერის გამო, ეს პროცესი საფრანგეთის და მისი კინოწარმოებისათვის ერთგვარ გამოცდად იქცა, რათა გაირკვეს, რამდენად მზად არის ქვეყანა სექსუალური ძალადობის საკითხებთან გასამკლავებლად და გავლენიანი მამაკაცების პასუხისგებაში მისაცემად.
მსახიობი ათწლეულების განმავლობაში იყო ფრანგული კინოს ერთ-ერთი გამორჩეული ფიგურა და 1991 წელს ოსკარზეც იყო ნომინირებული ფილმისთვის “სირანო დე ბერჟერაკი”.
თუმცა, მისმა სავარაუდო უხეშმა საქციელმა არაერთხელ მიიქცია მედიის ყურადღება. 20-ზე მეტმა ქალმა მას სექსუალური შევიწროება ან არასათანადო ქცევა დააბრალა, თუმცა ამ დრომდე მხოლოდ ერთი საქმე მივიდა სასამართლომდე. სხვა შემთხვევები მტკიცებულებების სიმცირის ან ხანდაზმულობის გამო შეწყდა.
.
პროკურორების ბრალდებები
ბრალდების თანახმად, დეპარდიემ დეკორატორს ფეხები შემოუჭირა და საჯაროდ შეეხო წელზე და მკერდზე, თანაც მოწმეთა თანდასწრებით. ქალის თქმით, მსახიობმა მასთან უხამსი სიტყვებით ისაუბრა.
სასამართლო პროცესი და დეპარდიეს ჯანმრთელობა
მოსალოდნელია, რომ სასამართლო პროცესი მინიმუმ ორი დღე გაგრძელდება, თუმცა შესაძლოა, მეტი დროც დასჭირდეს. თავდაპირველად ის ოქტომბერში უნდა გამართულიყო, მაგრამ დეპარდიეს ჯანმრთელობის გამო გადაიდო.
