ძალიან შემაშფოთებელია ის უკუსვლა, რაც საქართველოში ხდება, – ამის შესახებ ნიდერლანდების საგარეო საქმეთა მინისტრმა, კასპარ ვალდკამპმა ბრიუსელში ნატო-ს წევრი ქვეყნების საგარეო საქმეთა მინისტრების შეხვედრაზე მისვლის დროს ჟურნალისტის განუცხადა.
მისი თქმით, საქართველოს მოსახლეობის დიდი ნაწილია პროევროპული, სურთ მისწრაფება ევროპული ჰორიზონტისკენ და ჩვენ გვინდა, მოვუწოდოთ მათ, შეინარჩუნონ ეს პოზიცია.
„ძალიან შემაშფოთებელია ის უკუსვლა, რაც საქართველოში ხდება. თქვენ ნახეთ ევროკავშირის უმაღლესი წარმომადგენლის, ქალბატონი კალასის და გაფართოების საკითხებში ევროკომისრის, ქალბატონ კოსის განცხადება. ნიდერლანდები, როგორც ევროკავშირის მნიშვნელოვანი წევრი, სრულად ვუჭერთ მხარს ამ განცხადებას, ძალიან შეშფოთებული ვართ საქართველოში მოვლენების განვითარებით, რადგან ვხედავთ, რომ საქართველოს მოსახლეობის დიდი ნაწილია პროევროპული, სურთ მისწრაფება ევროპული ჰორიზონტისკენ და ჩვენ გვინდა, მოვუწოდოთ მათ, შეინარჩუნონ ეს პოზიცია“, – განაცხადა კასპარ ვალდკამპმა.
