აშშ-ის პრეზიდენტმა დონალდ ტრამპმა განაცხადა, რომ მაისში საუდის არაბეთში, კატარსა და არაბთა გაერთიანებულ საამიროებში მოგზაურობის შემდეგ, შესაძლოა, შეხვდეს კრემლის ლიდერს ვლადიმერ პუტინს.
ჟურნალისტებმა ტრამპს ჰკითხეს, შესაძლებელია, თუ არა, რომ მათი შეხვედრა საუდის არაბეთში გაიმართოს.
„შესაძლებელია, მაგრამ არა მგონია. ვფიქრობ, ჩვენ ერთმანეთს მალე შევხვდებით“, – დასძინა თეთრი სახლის ლიდერმა.
ტრამპის მოგზაურობა ახლო აღმოსავლეთში 13-16 მაისს არის დაგეგმილი. საუდის არაბეთი რუსეთსა და უკრაინას შორის მოლაპარაკებების ადგილი გახდა, სადაც ორივე ქვეყანა განიხილავს შესაძლო ცეცხლის შეწყვეტას.
