მომდევნო რვა-ათი დღის განმავლობაში ჩვენ გავზრდით ზეწოლას რუსეთზე, – განაცხადა საფრანგეთის პრეზიდენტმა, ემანუელ მაკრონმა.
მისი თქმით, მან ამერიკელები დაარწმუნა საფრთხეების ესკალაციისა და მოსკოვის წინააღმდეგ სანქციების დაწესების შესაძლებლობაში.
„მომდევნო ორი კვირა გადამწყვეტი იქნება ცეცხლის შეწყვეტის რეჟიმის ამოქმედების მცდელობისთვის“, – განაცხადა ემანუელ მაკრონმა.
„ჩვენ მზად უნდა ვიყოთ, ამერიკელებთან ერთად, გავამკაცროთ ჩვენი ტონი რუსეთის მიმართ, რათა მივაღწიოთ ცეცხლის შეწყვეტას“, – დასძინა მან.
