ამერიკელი სენატორი, ლინდსი გრემი რუსეთისთვის ახალი სანქციების პაკეტს ამზადებს და მუშაობს გეგმაზე, რომელიც 500-პროცენტიანი ტარიფების დაწესებას ითვალისწინებს იმ ქვეყნებისთვის, რომლებიც რუსეთისგან საწვავს, გაზს და ურანს ყიდულობენ. ინფორმაციას The Wall Street Journal-ი ავრცელებს.
გამოცემის ცნობით, სამხრეთ კაროლინის შტატის „რესპუბლიკელი“ სენატორის ამ საკანონმდებლო ინიციატივას 60 თანასპონსორი ჰყავს.
გამოცემის ინფორმაციით, იმ შემთხვევაში, თუკი რუსეთთან სამშვიდობო მოლაპარაკებები კრახს განიცდის, ამერიკელმა სენატორებმა, შესაძლოა, გრემის გეგმას მხარი დაუჭირონ.
