„ალტერნატივა გერმანიისთვის“ გერმანიაში ყველაზე პოპულარული პარტიაა და ახლა ბიუროკრატები მის განადგურებას ცდილობენ, – განაცხადა აშშ-ის ვიცე-პრეზიდენტმა, ჯეი დი ვენსმა.
„დასავლეთმა ბერლინის კედელი ერთად დაანგრია. და ის ხელახლა აშენდა – არა საბჭოელების ან რუსების, არამედ გერმანული ისტებლიშმენტის მიერ“, – აღნიშნა აშშ-ის ვიცე-პრეზიდენტმა.
გერმანიის ფედერალურმა სადაზვერვო სამსახურმა დღეს მემარჯვენე პარტია „ალტერნატივა გერმანიისთვის“ ექსტრემისტულ პოლიტიკურ გაერთიანებად აღიარა. მიმდინარე წლის 23 თებერვალს გერმანიაში გამართულ რიგგარეშე არჩევნებში „ალტერნატივა გერმანიისთვის“ მეორე ადგილი დაიკავა და ხმათა 20,8% მიიღო.
