დიდი ბრიტანეთის პრემიერ-მინისტრი, კირ სტარმერი და საფრანგეთის პრეზიდენტი, ემანუელ მაკრონი რუსეთის ლიდერს, ვლადიმერ პუტინს უკრაინაში 30-დღიანი ზავის გამოცხადებისკენ მოუწოდებენ. ინფორმაციას ბრიტანეთის მთავრობის პრესსამსახური ავრცელებს.
ერთობლივი განცხადება სტარმერისა და მაკრონის სატელეფონო საუბრის შემდეგ გავრცელდა. „უკრაინის სიტუაციაზე საუბრისას ლიდერებმა აღნიშნეს, რომ რუსეთი ცეცხლის 30-დღიან შეწყვეტას უნდა დათანხმდეს, რათა სამშვიდობო მოლაპარაკებები უზრუნველყოს. უკრაინამ დაამტკიცა, რომ მზად არის მოლაპარაკებების მაგიდას მიუჯდეს და მშვიდობის მხარეს დგას“, – აღნიშნულია განცხადებაში.
გარდა ამისა, სატელეფონო საუბრის დროს მაკრონმა და სტარმერმა დიდი ბრიტანეთისა და საფრანგეთის ერთობლივი სამიტისთვის და ევროკავშირი-ბრიტანეთს კონფერენციისთვის მზადების საკითხები განიხილეს, რომელიც უახლოეს კვირებში ჩატარდება.
